Vurderer de å stifte eit kunstlag eller ei kunstforeining der de bur? Her har vi samla nokre nyttige råd til oppstart og vidare drift.

Det første formelle ein må gjere er å halde eit stiftingsmøte for foreininga, og setje opp vedtekter. Frivillighet Norge har gode verktøy om korleis ein gjennomfører eit stiftingsmøte og kva punkt ein bør ha med i vedtektene.  https://www.frivillighetnorge.no/verktoy

Vedtektene bør til dømes innehalde namn på foreininga, formål, reglar for styresamansetjing, årsmøte, medlemskap, avvikling m.m. Det kan vere til hjelp å sjå på kva andre kunstlag har teke med i sine vedtekter:

• Vedtekter for Alta Kunstforening
• Vedtekter for Halden Kunstforening
• Vedtekter for Oslo Kunstforening

Brønnøysundsregistrene har også laga eit eksempel på korleis stiftingsdokument og vedtekter for foreiningar kan sjå ut.

Brønnøysundregistrene: https://www.brreg.no/lag-og-foreninger/

Ver merksam på at oppløysingsparagrafen i vedtektene må spesifisere at ein annan frivillig organisasjon eller stifting (ikkje kommune eller enkeltperson) skal motta midlane ved ei eventuell oppløysing. Dette er viktig dersom de skal søkje om momskompensasjon.